2026 թվականին լայնածավալ պատերազմ կամ լուրջ սրացում չի լինի։ Այս մասին հայտարարել է կոնֆլիկտաբան Արթուր Մարտիրոսյանը։
Մեկնաբանելով Վաշինգտոնում կայացած հանդիպման արդյունքները և դրան հաջորդած իրադարձությունները՝ նա նշեց, որ դժվար չէ հասկանալ, թե ինչ ստացավ ադրբեջանական կողմը, բայց չափազանց բարդ է մատնանշել, թե ինչով կարող է պարծենալ Հայաստանը։
«Իշխանությունները ասում են, որ հասել են խաղաղության։ Բայց միևնույն ժամանակ իրենք էլ են խոստովանում, որ ոչ մի համաձայնագիր չի կարող վերջնականապես կանգնեցնել պատերազմը։ Ես համաձայն եմ դրա հետ՝ պատմությունը գիտի այս պնդումը ապացուցող բազմաթիվ նախադեպեր», — նշել է փորձագետը։
Մարտիրոսյանը համոզված է, որ գալիք տարում լուրջ ցնցումներ կամ լայնածավալ պատերազմ չպետք է սպասել։ Բայց այս ժամանակահատվածը ընդհամենը դադար է, որը ամենեվին չի նշանակում լիակատար խաղաղություն։ Այսօր Ալիևը, հայտարարելով խաղաղության պատրաստակամության մասին, միաժամանակ ակտիվորեն զինում է իր երկիրը։
«Շատերն այսօր ասում են, որ Ադրբեջանը, իբր, զինվում է Ռուսաստանի կամ Իրանի դեմ, բայց սա անհեթեթություն է։ Նա ամրապնդում է դիրքերը ուժերի հավասարակշռության շեղման պայմաններում, երբ հարմար պահը գա, ադրբեջանական կողմը կգործի»։
Նրա խոսքով՝ ռազմական արշավների և ընտրությունների համընկնումը պատահականություն չէ։ 44-օրյա պատերազմի ժամանակ Միացյալ Նահանգներում ընտրություններ էին ընթանում։ Նոր վտանգավոր գիծ կարող է գալ 2028 թվականին, երբ ամերիկացիները կրկին նախագահ կընտրեն։
«Ես չեմ պնդում, որ նման սցենարն անխուսափելի է, բայց սա պոտենցիալ վտանգավոր ժամանակաշրջան է Հայաստանի համար», — զգուշացրեց Մարտիրոսյանը։