ԱՄՆ-ն դեռևս ռազմավարական ներկայություն չունի Հարավային Կովկասի տարածաշրջանում: Նախատեսվում է բիզնես-ներկայություն,սակայն այս պահին դժվար է ասել, ինչպես այն իրացվելու գործնականում: Այս մասին հայտարարել է քաղաքագետ Սուրեն Սարգսյանը՝ մեկնաբանելով TRIPP հաղորդակցական նախագծի իրականացման հեռանկարները:
«Ամերիկյան բիզնեսի առանձնահատկությունն այն է, որ այն արագ արձագանքում է բոլոր նախաձեռնություններին, որոնք իրական հնարավորություններ են ընձեռում գումար աշխատելու համար: Սակայն ամերիկյան բիզնեսը չի շտապում տարածաշրջան, քանի որ չկա հստակ պատկերացում, թե ինչ է լինելու: Նախագծի նկատմամբ դեռևս հետաքրքրություն չկա: Եթե գործարար ներկայություն ապահովվի, մեծ է հավանականությամբ դա կվերածվի ԱՄՆ ռազմավարական ներկայության տարածաշրջանում, բայց այս պահին նման հեռանկարի հնարավորություն նկատելի չէ», — նշել է Սարգսյանը:
Նա հավելել է, որ ներկայիս փուլում հարցերի մեծ մասը մնում է անպատասխան նույնիսկ նախաձեռնության հեղինակների համար, նախագծի վերաբերյալ պատկերացումները չափազանց մշուշոտ են: Փորձագետը խոստովանել է, որ պետական պաշտոնյաների հակասական մեկնաբանությունները և անորոշության բարձր մակարդակը տպավորություն են ստեղծում, որ Վաշինգտոնի գագաթնաժողովը նպատակ ուներ լուծել միայն մեկ խնդիր՝ Դոնալդ Թրամփին արագորեն «հաջողության մի պատմություն» ապահովել:
«Ուկրաինական ճգնաժամի պատճառով Թրամփը թիրախավորվել է, և նրան անհրաժեշտ էր գոնե ինչ-որ հաջողության պատմություն՝ քննադատությունը թուլացնելու համար։ Ինձ մոտ տպավորություն է, որ փաստաթուղթը (եռակողմ հայտարարությունը) պատրաստվել է Վաշինգտոնում, և հայկական կողմը ծանոթացել է դրան տեղում ու ժամանակ չի ունեցել պատշաճ կերպով շտկումներ կատարելու։ Արդյունքում, ոչ ոք հստակ պատկերացում չունի, թե ինչպես է այս ամենը կիրառվելու», — ընդգծեց Սարգսյանը՝ նշելով, որ Թրամփի համար եռակողմ հանդիպման արդյունքները կունենան միայն կարճաժամկետ ազդեցություն։